Waandishi wa Habari Mkoa wa Katavi wajengewa uelewa kuhusu TASAF awamu ya tatu

Posted on: February 19th, 2018

Zaidi ya wanahabari 20 kutoka katika Wilaya na Halmashauri mbalimbali za Mkoa wa Katavi  wamepatiwa mafunzo ya Mpango wa Kunusuru Kaya Masikini TASAF yaliyoratbiiwa na Ofisi ya Mkuu wa Mkoa wa Katavi.

Mafunzo hayo yaliyofanyika katika Ukumbi wa Kichangani Lodge ulioko Manispaa ya Mpanda yamewakutanisha Maafisa Habari Mawasiliano  na Uhusiano,Waratibu wa TASAF Halmashauri na Mkoa pamoja na Waandishi wa Habari kutoka katika Vyombo mbalimbali vya Habari mkoni Katavi

Mkuu wa Kitengo cha Habari na Mawasiliano  cha TASAF Makao makuu Bi.Zuhura Mdungi amesema mafunzo hayo yanalenga kuwajengea uwezo Waandishi wa Habari, na Maafisa Habari kuwa na uelewa wa namna ambavyo  Mpango wa Kunusuru Kaya Masikini TASAF unatekeleza shughuli zake mbalimbali kupitia Programu mbalimbali zinazotekelezwa na Wadau Wakiwemo Halmashauri,pamoja na Mikoa

Amesema Wanahabari ni wadau muhimu katika kutangaza shughuli mbalimbali zinazotekelezwa na TASAF hivyo wanapaswa kushirikishwa katika shughuli mbalimbali zinahohusu TASAF kwa lengo la kusaidia kuutangaza  mpango huo.

Aidha amesisitiza  kuwa wanahabari   wanayo nafasi kubwa katika jamii  kwa kuwa ni waelimishaji wa wakubwa katika mambo mbalimbali hivyo ni jukumu lao pia kuijengea jamii uelewa wa namna ambavyo TAFAF inatekeleza program mbalimbali kwa manufaa  ya Wananchi

Akizungumzia baadhi ya changamoto zilizokuwa zikijitokeza katika suala la kuandika na kutangaza mpango wa TASAF,Bi.Mdungi  amesema awali baadhi ya  waandishi hawakuwa na uelewa wa namna ambavyo TASAF  inatekeleza shughuli zake mbalimbali jamo ambalo lilipelekea jamii kutokuwa na uelewa kuhusu  TASAF.

Hata hivyo Bi.Mdungi amebainisha kuwa kwa sasa TASAF Inaendelea kuboresha mazingira kwa wanahabari sambamba na  kuwajengea uwezo Waandishi wa Habari ,Maafisa Habari pamoja na Wadau mbalimbali katika kuhakikisha kuwa kupitia Vyombo vya Habari  jamii inakuwa na uelewa wa kutosha kuhusu malengo mahsusi ya Mpango wa TASAF.