MAKABIDHIANO YA OFISI YA RC KATAVI

Posted on: May 23rd, 2019

NITABAKI KUWA MWANACHAMA MWADILIFU WA CHAMA  CHA MAPINDUZI NA SERIKALI YAKE- Amos Makalla

Mkuu wa Mkoa Mstaafu, Mhe Amos Makalla amesema amekitumia Chama cha Mapinduzi na Umoja wa vijana kwa Muda mrefu  kwa kutumia  vipaji alivyopewa na Mwenyezi Mungu. Amesema  uzoefu alionao atandelea kuwa Kada wa mstari wa Mbele  wa Chama cha Mapinduzi.

Aidha amemshukuru sana  Rais Dr John  Pombe Magufuli kwa kumuamini kwa nafasi ya Ukuu wa Mkoa kwa kipindi chote alichotumika katika Mkoa wa Katavi.

Amesema mwaka 2015 Alipokosa Ubunge ilitosha yeye kubaki mwananchi na mwana CCM tu huko Mvomero, ila   Rais wa awamu ya 4  Mhe Jakala Kikwete alimteua kuwa Mkuu wa Mkoa wa Kilimanjaro na  Rais Dr John Magufuli alimteua kuwa Mkuu wa Mkoa wa Mbeya  na baadaye Katavi

- Amewashukuru wananchi na viongozi wa ngazi zote, dini na serikali kwa kumpa ushirikiano katika Kipindi cha miezi 10 alipokuwa Mkuu wa Mkoa wa Katavi na Amewaomba wananchi na viongozi wampe ushirikiano wa kutosha Mkuu wa Mkoa Mpya Juma Homela