RC. MRINDOKO AZINDUA UGAWAJI VITAMBULISHO VYA KIELEKTRONIKI KWA WAFANYABIASHARA NDOGONDOGO

Posted on: December 3rd, 2024

Mkuu wa Mkoa wa Katavi Mhe. Mwanamvua Mrindoko amezindua shughuli ya ugawaji wa vitambulisho vya kieletroniki kwa wajasiriamali na wafanyabiashara ndogodogo vinavyotolewa na Serikali kupitia Wizara ya Maendeleo ya Jamii, Jinsia,  Wanawake na Makundi Maalum.

Uzinduzi huo umefanyika Desemba 03, 2024 wakati wa  kikao cha pili cha Baraza la biashara la Mkoa.

Akizungumza wakati  shughuli hiyo, Mheshimiwa Sawala amewahamasisha wafanyabiashara ndogondogo mkoani humo kujisajili ili kupata Vitambulisho hivyo ambavyo vitawasaidia kupata fursa mbalimbali zitakazo kuuza biashara zao ikiwemo mikopo yenye riba nafuu iliyotengwa na Serikali.

Kwa upande wake Afisa Maendeleo ya Jamii mkoa wa Katavi, Anna Shumbi   ameeleza sifa za wanaotakiwa kupatiwa vitambulisho hivyo kuwa ni lazima mfanyabiashara awe na biashara ndogo ndogo.Akieleza utofauti uliopo kati ya vitambulisho vya sasa na vile vilivyokuwa vikitolewa awali, Anna amesema kitambulisho cha sasa ni cha kisasa zaidi ambapo taarifa za mhusika zinaingiliana na mamlaka mbalimbali za kiserikali ikiwemo Kitambulisho cha Taifa (NIDA), Benki na Mamlaka zingine.Lengo kuu la vitambulisho hivyo ni  kuwatambulisha wafanyabiashar kwenye taasisi mbalimbali.