Kitengo cha Sheria kina jukumu kubwa la kumshauri Katibu Tawala Mkoa kuhusu shughuli zote za Kisheria katika Mkoa wa Katavi.
MAJUKUMU YA KITENGO:
Kutoa ushauri wa kisheria kwa Sekretariati ya Mkoa kuhusu tafsiri ya Mikataba, Hati ya makubaliano nk
Kuratibu mashauri mbalimbali yaliyopo mahakamani yanayoshughulikiwa na Sekretariati ya Mkoa na yale ya kwenye Halmashauri.
Kuwasimamia na kuwajengea uwezo wanasheria wa Halmashauri katika kutekeleza majukumu yao.
Kuratibu shughuli za kisheria zinazofanyika kwa ushirikiano na Ofisi ya Mwanasheria Mkuu wa Serikali, Wakili Mkuu wa Serikali, TAMISEMI na Taasisi nyingine.
Kufanya mapitio ya Sheria ndogo zinazotungwa na Halmashauri na kuziandaa kwa ajili ya kuziwasilisha kwa Waziri TAMISEMI
Kutoa ushauri wa kisheria kwa wananchi wanaofika katika Ofisi ya Mkuu wa Mkoa na malalamiko mbalimbali
